Mu gihugu cya Algeria indege yakoze impanuka, hapfa abarenga 250 .
Leta y’igihugu cya Algeria yatangaje ko nibura abantu bagera kuri 257 aribo bapfiriye muri iyi mpanuka y’indege itwara abagenzi, yabaye kuri uyu wa Gatatu, iyi ndege ikaba yerekerezaga ku birindiro bya Gisirikare bya Boufarik, mu birimotero bisaga 30 uvuye ku Murwa Mukuru, Alger.
Televiziyo y’igihugu yatangaje ko iyo ndege yakoze impanuka nyuma y’igihe gito ivuye ku butaka, ubu hakaba hari gukorwa ubutabazi butandukanye.
Umwe mu basirikare bakuru utashatse ko amazina ye atangazwa, yabwiye ibiro ntaramakuru by’Abongereza ko iyo ndege yari irimo n’abasirikare barenga 100 hamwe n’imiryango yabo.
Nta mpamvu nyamukuru yateye iyo mpanuka iramenyekana ariko Minisiteri y’Ingabo muri iki gihugu, yavuze ko yaba yatewe n’ikirere kitari kimeze neza.
si ubwa mbere haba habaye impanuka y’indege benshi bakahasiga ubuzima kuko no mu myaka yagiye itambuka hagiye humvikana impanuka zikomeye zitandukanye , zigatwara ubuzima bwa benshi .
Mu myaka 4 ishize indege yari itwaye abasirikare n’imiryango yabo yakoze impanuka 77 bahasiga ubuzima muri iki gihugu cya Aligeria.
gasabo.net
1,199 total views, 1 views today
