Bamwe mu bateza ibibazo leta y’u Burundi bagiye guhagurukirwa

Ishyaka CNDD-FDD riri ku butegetsi mu gihugu cy’u Burundi riravuga ko rigiye guhagurukira abarwanashyaka baryo baritera urubwa, abarya ruswa, abanebwe n’ibisambo nk’uko byatangajwe n’Umunyamabanga Mukuru w’iri shyaka.
Umunyamabanga Mukuru wa CNDD-FDD, Evariste Ndayishimiye yatangaje ko bagiye guhagurukira abigira abarwanashyaka (Abagumyabanga) kandi atari bo, avuga ko bagiye gusezererwa.
Abarwanashyaka ba CNDD bari mu mirimo ya leta baburiwe ko niba batarimo bakora ibifitiye akamaro igihugu bagiye gukurwa mu mirimo yabo.
Bwana Evariste Ndayishimiye nk’uko iyi nkuru dukesha Ubmnews ikomeza ivuga, yagize ati: “Umugumyabanga utaba akarorero mu guteza imbere igihugu na bene cyo siwe.”
Iri shyaka rikaba rikomeza rivuga ko rigiye guhagurukira abarwanashyaka bateza urubwa ishyaka, abarya za ruswa, abanebwe, n’abajura kuko ngo Atari abagumyabanga.
Evariste Ndayishimiye ati: “Imbonerakure, Umukenyererarugamba, umugumyabanga utazerekana akantu gashyashya akora mu rwego rwo kubera akarorero abandi, siwe kuko ishyaka CNDD-FDD rifite umuhamagaro wo kuzamura u Burundi kugirango Abarundi babeho neza“.
Mu byo Evariste Ndayishimiye yagarutseho bagiye kurandurana n’imizi n’imiganda harimo inzara n’indwara zishingiye ku bukene.

 1,913 total views,  2 views today

Leave a Reply

Your email address will not be published. Required fields are marked *