U Rwanda rwazamutse ku mwanya wa 128, ruvuye ku mwanya wa 130.
Ku wa 1 Mata 2026, ni bwo Ishyirahamwe rya Ruhago ku Isi (FIFA), ryashyize hanze urutonde rw’uko amakipe akurikiranye nyuma y’amarushanwa ahuza ibihugu aheruka kuba.
Ku rutonde ruheruka gusohoka, u Rwanda rwari ku mwanya wa 130, ariko nyuma yo gukina imikino ibiri yo mu Itsinda A rya FIFA Series 2026 ryakiniye i Kigali.
U Rwanda rwanyagiye Grenada ibitego 4-0, ku mukino wa nyuma rutsinda Estonie ibitego 2-0 ruhita rwegukana Igikombe nyuma y’imyaka 28 rutacyegukana.
Iyi mikino yasize u Rwanda rwungutse amanota 5,04, rugira amanota 1126,62 yatumye ruzamuka ku mwanya wa 128, ruwusimburaho Estonie ruvuye ku mwanya wa 130.
Ibihugu bitanu bya mbere muri Afurika ni Maroc, Senegal, Nigeria, Algeria na Misiri, mu gihe ku rutonde rw’Isi ruyobowe n’u Bufaransa, Espagne, Argentine, u Bwongereza na Portugal.
Urutonde rukurikiraho rwa FIFA ruzasohoka ku itariki ya 10 Kamena 2026.
1,124 total views, 236 views today
