Itorero Maranatha Mission of Rwanda rifasha , ababyeyi n’abanyeshuri batishoboye

 

    Kajuja J BOSCO, umuvugizi wa Maranatha ( Photo:Captone)

 

Itorero Maranatha Mission of Rwanda ni itorero ryatangiye  mu mwaka w’1996,  rikaba rikorera mu Ntara zose z’ u Rwanda.Kuva mu Ntara y’Iburasirazuba ku Rusumo , mu mujyi wa Kigali ugakomeza mu Ntara y’Iburengerazuba mu Karere ka Rubavu umanuka muri Rusizi za Buragarama uhasanga n’itorero M.M.R.

Itorero Maranatha Mission of Rwanda  rifite icyicaro i Kigali ,  rikorera i Gikondo munsi y’umusozi wa Rebero  imbere y’ikigo  cy,amashuri “ Les Poussins” gikorera mu nyubako za  APAPE , rikaba ari itorero ririmo ryaguka dore ko kurubu abakiristu bagenda biyongera umunsi kumunsi bitewe n’intego enye zaryo harimo kwita kubuzima busanzwe, ubwenge, imibanire myiza ndetse n’umwuka wera nk’inkingi ya mwamba y’iri torero.

Past. Kajuja Jean Bosco umuvugizi w’itorero M.M.R yatubwiye ko M.M.R , ifite ibikorwa byinshi mu Rwanda nko gufasha ababana batishobye babashakira abaterankunga babarihirira amashuri .

Itorero M.M.R rimaze kugira andi matorero  nka : Elayona iri ku musozi wa “Mont Kigali” ndetse n’itorero rya Penuel  riherereye mu  Rugarama w’itorero M.M.R.

Past. Kajuja Jean Bosco yatangarije ikinyamakuru Gasabo ko  byose, babiterwamo  inkunga n’abamisiyoneri bakomoka mu itorero ryaTrogonistan ryo mubihugu bya Suède na Norvège.

Past. Kajuja Jean Bosco ati :Nubwo abo ba misiyoneri babidufashamo,  ariko hari uruhare rwacu kugirango ibikorwa  bikomeze gutera imbere.Nkubu turi gusana inyubako  nkuko nawe ubyibonera dushyiraho n’uruzitiro.Uru ni uruhare rwacu.”

 

Umuvugizi w’Itorero Maranatha Mission of Rwanda, avuga ko itorero  rifite umwihariko udasanzwe , kuko hari igihe ritanga ibiryo ku miryango ikennye,kurihira abantu Mituelle de santé.

Umushumba w’Itorero M.M.R , avuga ko abo bahaye ubufasha bw’ibikoresho babasaba  kubifata nk’impamba kugira ngo bibafashe kwifasha ubwabo, bityo ubutaha bajye babasha kubyiha aho kugira ngo bazahore bateze amaboko.

 

Uwitonze Captone

 

 

77 total views, 1 views today

MUZAKIRWA NEZA NK'ABAMI , MWADUSANGA KANYONYOMBA- GATSATA KU BIGEGA. MUHAWE IKAZE

Sangiza abandi iyi nkuru ............................................

Leave a Reply

Your email address will not be published. Required fields are marked *