Croix-rouge Rwanda ni umufasha wa Leta kugoboka ababaye

Croix-rouge Rwanda  ni umufasha wa Leta ikaba ikomeje kuzuza inshingano yayo nyamukuru yo kugoboka ababaye, rimwe na rimwe ku bufatanye bwa  MINALOC na MINEMA.Ikaba ikora ibikorwa bitandukanye  by’umwihariko  abakorerabushake  bayo bakaba aribo bafata iya mbere kuba intangarugero muri ibyo bikorwa ( les superviseurs)ngo bigere ku bo bigenewe.

Mazimpaka Emmanuel ,ukuriye ishami ry’itumanaho no gutsura umubano muri Croix Rouge y’u Rwanda yabwiye ikinyamakuru Gasabo ko ibikorwa bya Croix-rouge y’u Rwanda  bikorwa ku mihigo.Bimwe muri ibyo bikorwa ngo hari :Udusozi-ndatwa ( village modern), hano abaturage bakangurirwa gukora uturima tw’igikoni, bahinga imboga zo kurwanya imirire mibi.Gukora ubwiherero , udutanda banikaho amasahani, kandagira ukarabe no gucukura ibimoteri bijyamo imyanda.

Urugero ngo hari imishinga Croix-rouge y’u Rwanda ikorera mu nkambi nka Mahama icumbikiye impunzi z’Abarundi.Muri ino nkambi Croix-rouge y’u Rwanda yaguriye impunzi  amasambu yo guhinga.Impunzi zakanguriwe kubaka uturima tw’igikoni, gukora pepiniyeri z’ibiti biterwa inyuma y’amatenti ngo umuyaga utazitwara.Bahawe amatungo magufi , bubakirwa ubwiherero .Amburance yo guhuza ababuranye n’ababo cyangwa abashaka gutahuka.Ibi kandi byakozwe no mu nkambi ya Nyabiheke mu karere ka Gatsibo.

Mazimpaka Emmanuel ati:’’Ibyo bikorwa byose bikorwa ku mihigo ni muri urwo rwego perezida wa Croix-rouge y’u Rwanda ku rwego rw’Umurenge asinyana imihigo na  perezida wa Croix-rouge y’u Rwanda ku rwego rw’Akarere .Abo  ku rwego rw’Akarere ba gasinyana na Perezida wa Croix-rouge y’u Rwanda ku rwego rw’igihugu.’’

Mu nshingano za  Croix-rouge y’u Rwanda ihugura abakorerabushake mu byiciro (domaines) bitandukanye.Urugero  itanga amahugurwa ku butabazi bw’ibanze  kuva ku Mirenge kugera ku Karere no ku rwego rw’igihugu ( national team ). Niba umuntu agize impanuka , abakorerabushake babihuguriwe batabarana ingoga  bakamuha ubutabazi bwihuse nyuma akajyanwa kwa muganga bitagoranye.

Mazimpaka Emmanuel ati:’’Muri  croix-rouge y’u Rwanda hatangirwamo amahugurwa menshi.Urugero, hari abahugurwa mu kwirinda no kurwanya Ibiza (deaster teams) ku rwego mpuzamahanga ku buryo bitabazwa bakoherezwa mu bihugu byo  ku yindi migabane nka Australia, Nigeria n’ibindi byahuye n’ Ibiza.Hari kandi abo twita Nation Deaster response Teams( NDRT), bo ku rwego rw’igihugu .Hari aho ku rwego rw’Uturere Branch Deaster Response Teams(  BDRT) hakaza abo ku rwego rw’Imirenge ( Local Deaster Response Teams.Abo bose bahugurwa kwirinda Ibiza nabo bakajya guhugura abaturage.Hari abahuguwe kuri Ebola, Corona virus, Ibiza by’imvura n’ibindi…’’

Muri iki gihe isi ihanganye n’icyorezo cya Covid-19, inshingano  za Croix-rouge y’u Rwanda yayo nyamukuru  ni  kugoboka  bamwe mu baturage  babaye kurusha abandi  cyane cyane abakiri muri guhunda ya Guma mu rugo , bahabwa  ibiribwa  akaba ari igikorwa gikomeza mu tundi Turere mu bihe biri imbere.( Tuzakomeza kubagezaho ibikorwa bya Croix-rouge Rwanda ubutaha)

 

Sangiza abandi iyi nkuru ............................................

Leave a Reply

Your email address will not be published. Required fields are marked *