Gicumbi:Ishyaka Green Party rikataje mu gushyiraho inzego z’ishyaka ku rwego rw’mirenge
Ishyaka Riharanira Demokarasi no Kurengera Ibidukikije mu Rwanda (DGPR) rikomeje gahunda yo kwegera abarwanashyaka ku rwego rw’Imirenge, aho abarwanashyaka bahabwa amahugurwa agamije kubongerera ubumenyi no gushimangira imiyoborere y’Ishyaka.
Iyi gahunda ikomeje gukorerwa mu mirenge itandukanye y’Akarere ka Gicumbi, aho Ishyaka rikorera inama n’amahugurwa, bigasozwa no gutora inzego z’Ishyaka ku rwego rw’Umurenge.
Ku wa Gatanu, tariki ya 2 Ukwakira 2026, ryakomereje mu Mirenge ya Giti na Muko, na ho ku wa Gatandatu, tariki ya 3 Ukwakira 2026, rikomereza mu Mirenge ya Shangasha na Mukarange.
Muri ibi bikorwa, abarwanashyaka bahawe ibiganiro n’amahugurwa ku ngingo zifitanye isano n’amahame n’ibikorwa by’Ishyaka.
Mu ngingo z’ingenzi ziganiriweho harimo ingengabitekerezo y’Ishyaka, uruhare rw’abarwanashyaka mu kugaragaza isura nziza y’Ishyaka, uruhare rw’abarwanashyaka mu kurengera ibidukikije no guhangana n’ingaruka z’imihindagurikire y’ikirere, ndetse n’ikiganiro ku mahoro n’umutekano.
Ibi bikorwa byose byasojwe n’amatora y’abarwanashyaka, aho bitoreye Komite y’Ishyaka ku rwego rw’Umurenge, Komite y’Urubyiruko na Komite y’Abagore.
Uwitonze Captone
9,907 total views, 9,907 views today
