Kagame-Macron :Guhindura umubano w’u Rwanda n’Ubufaransa

Dr Pierre-Célestin Rwigema wabaye Minisitiri w’Intebe, akaba ari umudepite uhagarariye  mu Nteko Ishinga Amategeko ya Afurika y’Iburasirazuba , aganira n’ikinyamakuru Gasabo( Photo:Igihe)

Nyuma y’uruzinduko rwa Nyakubahwa Perezida w’u Rwanda Paul Kagame  yakoreye mu  gihugu cy’Ubufaransa  nyuma y’icyumweru kimwe  mugenzi we,  Emmanuel Macron  akaza kumwishyura , ni intamwe ikomeye  mu mateka abo perezida bombi bateye  mu rwego  rwo guhindura umubano wari mubi  nyuma  y’imyaka irenga 25 ishize.

Bamwe mu bazi  neza amateka y’u Rwanda n’Ubufaransa bavuga ko uyu mubano uje ukenewe kandi ko washyizwemo ingufu nyinshi kugirango ugerweho.

Dr Pierre-Célestin Rwigema wabaye Minisitiri w’Uburezi mu 1994 na Minisitiri w’Intebe, akaba ari umudepite uhagarariye u Rwanda mu Nteko Ishinga Amategeko ya Afurika y’Iburasirazuba (EALA) yabwiye ikinyamakuru Gasabo ko perezida Kagame na Macron bahinduye amateka y’ibihugu byombi.

Ati : « Leta ya Francois  Mitterand , yagize uruhare mu gutegura no gushyira mu bikorwa  jenoside yakorewe abatutsi muri 1994. Nyuma ya jenoside  Mitterand n’abambari be, banze kuva ku izima ngo bemere uruhare rw’igihugu cyabo muri Jenoside yakorewe Abatutsi. »

Dr Pierre-Célestin Rwigema  akomeza avuga  ko uretse uyu musore Macron ukoze ibyari bikenewe n’amahanga, hafi abaperezida bagiye basimburana mu gihugu cy’ Ubufaransa  ariko ntibagire icyo bakora.

Ati : « Perezida Jacques Chirac nubwo atari mu ishyaka rimwe na Mitterand  yanze kuva ku izima akomeza gukorera mu murongo we. Francois Hollande yigize ntibindeba naho Nicolas Sarkozy ashaka gukina impande zombi. None Emmanuel Macron ashyizeho akadomo.Yemeye  uruhare rw’ Ubufaransa mbere no mu gihe cya Jenoside yakorewe Abatutsi mu Rwanda. Abikoze ngirango mu rwego rwo gutura Ubufaransa umusaraba wa jonoside yakorewe abatutsi .Ni intamwe ikomeye ku isi yose . Nyuma ya Louise Mushikiwabo uyobora Francophonie . Bwa mbere mu mateka y’u Rwanda, umunyarwanda atorerwa  kuba umunyamabanga mukuru wa Francophonie, umuryango uhuza ibihugu bivuga Igifaransa.

Uwitonze Captone