Musanze: Classic Resort Lodge imwe mu mahoteli akomeye mu Rwanda ifite Presidential Palace

Uko umujyi wa Musanze urushaho gutera imbere  ni nako ukurura ba mukerarugendo n’amahoteri akiyongera.Ni muri urwo rwego twasuye Classic   Resort Lodge.Twibonera inkuru y’ ukuri itandukanye n’ibyari byatangajwe numwe mu bakozi bahakoze.

Classic Resort Lodge ni hoteli nziza  y’inyenyeri enye yubatswe ahantu hanini , ikaba ifite ibyumba by’inama 10 byakira umubare w’abantu barenga 1,500. Ifite ibyumba byo kuraramo 32 bishobora kwakira abantu 50 har Eco – Lodge Cottages 13 na Presidential Palace ifite pisine yayo.

Ushaka kujya kuri Classic Resort Lodge afata umuhanda  Musanze-Nyakinama mu Murenge wa Muko inyuma ya IPRC,  ni ibirometero 7 uvuye mu Mujyi wa Musanze .

Ubwo twatemberaga mu busitani bw’inyubako ziyo hotel ,Nkurunziza  Faustin ,umuyobozi wa Classic Resort Lodge yabwiye ikinyamakuru  Gasabo ko izi nyubako  ari igicumbi cy’ahantu nyaburanga mu majyaruguru y’u Rwanda kuko yubatse mu biti bitandukanye by’ishyamba.nk’ ibyatsi bya kimeza n’imbuto zitandukanye nka; Avoka, Ipapayi, ikawa, indimu, kimbaze, igikakarubamba, Inturusu z’imweru zikoreshwa no muri sauna no mu cyayi, amatunda, amapera ndetse n’ibindi byinshi,  ku buryo  iyo uyirimo wumva amahumbezi umubiri wose.

Muri Classic Resort Lodge, ni hamwe mu hantu heza muri aka karere ka Musanze  waruhukira kandi witegereza n’ibyiza nyaburanga bya Pariki y’Ibirunga n’Intara y’Amajyaruguru muri rusange.

Ugihinguka mu marembo, usanganirwa n’umurishyo w’ingoma n’umudiho w’itorero Inyenyeri rya Classic Resort Lodge uherekejwe n’indirimbo gakondo zimakaza umuco Nyarwanda.

Bamwe mu bakozi twaganiriye batubwiye ko hotel ibafashe neza kuko bahemberwa ku gihe.Ikindi  buri sa sita bafata amafunguro meza ahagije.

Muri Classic Resort Lodge hri  akabari,nyama coma, ibyumba bya massage na sauna.

Harimo ibibuga bya siporo zitandukanye birimo ibya Volleyball, Basketball, Handball n’umupira w’amaguru byose byujuje ibipimo.

Hari Ubusitani (jardin) butandukanye bwo kwakiriramo ubukwe, bride shower, cocktails ndetse ni ahantu hagezweho ho kwifotoreza mu Karere ka Musanze.

Faustin Nkurunziza, umuyobozi mukuru wa hotel yabwiye ikinyamakuru Gasabo.net ko Classic Resort Lodge ifite i restaurant, Bar, Pool Bar, sports bar ndetse n’icyokezo cyotsa neza.

Ati:”Urabona ko ibyo ubonye bitandukanye cyane n’ibyo watangaje mbere .Amafrigo menshi abikwamo inyama z’ubwoko bwose  arahari, dutanga serivise nziza .Urabona ko ari hoteli nziza iharanira iterambere ry’igihugu n’abanyarwanda muri rusange.”

Kugeza ubu Classic Resort Lodge itanga  serivise zaba mukerarugendo nko gusura ishyamba rya kimeza (nature walk), Ubuhinzi, Ubworozi bw’amatungo, ababoha ubuseke n’ibirago, Kubyina Kinyarwanda, Kwenga umutobe cyangwa urwagwa (Banana Wine/ Beer), guteka Kinyarwanda, Gutembera ku magare (Biking) n’izindi.

Benshi bahasura usanga batangazwa n’uko hubatse hakoreshejwe ibikoresho bya Kinyarwanda aho 90% hubakishijwe amabuye y’amakoro, Imbaho, Ibiti, imitako ya Kinyarwanda ikozwe mu migano, Ibirere, infunzo, imigwegwe n’ibindi.

Ubuyobozi bwa Classic Resort Lodge bwemeza ko biyemeje kuba izingiro ry’ubukerarugendo binyuze mu gutanga serivisi zinogeye ababagana ndetse no kubafasha kwisanga mu byiza nyaburanga bigize Akarere ka Musanze kandi ku giciro kinogeye buri wese.

Kuryama muri  Classic Resort Lodge ni nko muri paradizo nta rusaku ni mu mahumbezi 

Amafunguro yaho atuma uhageze agarukana akanyamuneza

Piscine ni ntamakemwa
Uwitonze Captone

 2,523 total views,  1 views today

Leave a Reply

Your email address will not be published. Required fields are marked *